Një nga argjendaritë më të famshme të Parisit ra pre e një grabitjeje këtë të martë. Dyqani i bizhuterive Piaget, i vendosur në zemër të kryeqytetit francez, u grabit në mes të ditës nga të paktën 3 persona.

Mediat shkruajnë se ata arritën të merrnin bixhuteri të shtrenjta, vlera të cilave arrin në nga 10 deri në 15 milionë Euro.

Prokuroria e Parisit tha se askush nuk u lëndua gjatë grabitjes.

Autoritetet u shprehën se grabitja besohet të jetë bërë nga një bandë e organizuar dhe që ka kryer akte të ngjashme edhe në të kaluarën.

Argjendaria gjendet në një nga zonat emblematike të Parisit ku gjenden dyqanet e markave më të famshme të modës, por edhe Ministria e Drejtësisë.

Në Prill të këtij viti ishte butiku Bulgari që ra pre e një grabitjeje në të njëjtën zonë.

Ndërsa pak ditë më parë në Paris mori vëmendje grabitja e banesës së portierit italian të PSG-së, Gianluigi Donnarumma./tvklan.al/