Pas fitores se madhe të Ballkanit kundër Ludogorets (2-0), në ndeshjen e parë të Ligës së Kampionëve, sot është radha për dy skuadrat tjera kosovare në arenën ndërkombëtare.

Dukagjini i Klinës në “Fadil Vokrri” do të debutojë në garat evropiane kundër Europa (Gjibraltari), sfidë kjo që luhet në kuadër të Ligës së Konferencës.

Skuadra e Armend Dallkut synon ta nis me fitore aventurën në garat evropiane. Sfida mes klinasit dhe skuadrës nga Gjibraltari fillon në orën 19:00.

Ndërkohë, aventurën në Ligën e Konferencës, sot do ta nis edhe Gjilani, e cila në udhëtim do të ballafaqohet me Niedercorne (Luksemburg).

Gjilanasit janë përgatitur maksimalisht që të marrin rezultat të favorshëm kundër Niedercorne, në mënyrë që të kenë më të lehtë kualifikimin në sfidën kthyese që luhet në Kosovë.

Ndeshja Niedercorne-Gjilani starton në orën 19:30./rtk