Vetura godet një grua në Gllogoc, ndërron jetë në spital

09:43 | 7 Qershor 2023
E.H

Një grua ka ndërruar jetë dje në Gllogoc pasi u godit nga një veturë, raporton Policia e Kosovës.

Sipas Policisë, viktima fillimisht është dërguar në QKUK për tretman mjekësor, por për shkak të lëndimeve ka ndërruar jetë.

Me urdhër të prokurorit, trupi i pajetë i viktimës është dërguar në IML për obduksion.

“Gllogoc 05.06.2023 – 18:43. I dyshuari mashkull kosovar derisa ishte duke drejtuar veturën dyshohet nga pakujdesia ka goditur viktimën femër kosovare, të cilës i ka shkaktuar lëndime të rënda. Viktima pasi është dërguar në QKUK për tretman mjekësor, dyshohet për shkak të lëndimeve ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion”, thuhet në raportin 24 orësh të PK./Arbresh.info/