Për javën e dytë radhazi, Arsenali hodhi poshtë epërsinë 2-0 ndërsa gara për titull në Premier League mori një tjetër kthesë masive.

Ndeshja kundër West Ham u vendos brenda dy minuta të “çmendur” në pjesën e dytë, ku Bukayo Saka humbi një penallti për të kaluar skuadrën e tij në avantazh 3-1, duke i lejuar nikoqirët të barazojnë momente më vonë.

“The Gunners” e filluan ndeshjen në mënyrën më të mirë të mundeshe, pasi shënuan dy herë brenda 10 minutave të parë.

Pas disa pasimeve të mira, Gabirel Jesus e gjeti rrjetën nga afërsia, për të zhbllokuar rezultatin në minutën e shtatë.

Martin Odegaard vetë tre minuta më vonë me një goditje të bukur e qoi krosimin e Gabriel Martinellit në portë.

Por, West Hamit iu dha një mundësi shpëtimi, kur Said Benrahma ngushtoi epërsinë e mysafirëve nga penalltia.

West Ham shkaktoi një penallti në pjesën e dytë, megjithatë Bukayo Saka dërgoi penalltinë e tij jashtë portës – hera e parë që një lojtar i Arsenalit e bëri këtë nga pika e parë që nga viti 2015.

Dhe ata u ndëshkuan në mënyrë tipike dhe të pamëshirshme për atë humbje, pasi vetëm pak çaste më vonë, Jarrod Bowen barazoi rezultatin.

Si rezultat, epërsia e Arsenalit në krye është tani katër pikë ndaj Manchester Cityt, i cili ka një ndeshje më pak, ndërsa skuadrat gjithashtu do të përballen me njëra-tjetrën në “Etihad”./Arbresh.info/