Kryetari i Partisë Demokratike të Kosovës, Memli Krasniqi ka përkujtuar 24-vjetorin e masakrave nga regjimi gjenocidal i Serbisë, në të cilat u vranë 75 civilë në Celinë, 68 në Fortesë dhe 49 në Brestoc të Rahovecit.

Ai ka kujtuar me mall edhe gjyshin e tij Hysni Zhuniqin, që u vra po këtë ditë, bashkë me familjarë të shumtë, në masakrën e fshatit Fortesë, ish-Bellacërrkë.

“Këto masakra, nuk mundën as të ndalin e as të tjetërsojnë gatishmërinë e popullit tonë për liri, për fuqizimin e ndjenjës e veprimit çlirimtar kundër okupatorit serb. Andaj, ata mbesin në mbamendjen e popullit tonë si dëshmi e përkushtimit të paepur për liri. Sot e gjithmonë, do t’i kujtojmë të gjithë dëshmorët e martirët e kombit, të cilët ranë në altarin e lirisë, me zotimin se ideali i tyre për shtet të lirë, për Republikën e Kosovës, do të fuqizohet e ndërtohet çdo ditë e më shumë, duke mos harruar kurrë sakrificën e tyre. Lavdi dëshmorëve dhe martirëve të kombit”, ka shkruar ai.

I pari i PDK-së, tha se do t’i kujtojnë gjithmonë dëshmorët e martirët e kombit, të cilët ranë në altarin e lirisë, dhe sakrifica e tyre nuk do të harrohet kurrë.

“Sot e gjithmonë, do t’i kujtojmë të gjithë dëshmorët e martirët e kombit, të cilët ranë në altarin e lirisë, me zotimin se ideali i tyre për shtet të lirë, për Republikën e Kosovës, do të fuqizohet e ndërtohet çdo ditë e më shumë, duke mos harruar kurrë sakrificën e tyre. Lavdi dëshmorëve dhe martirëve të kombit”, tha ai përmes një shkrimi në “Facebook”./arbresh.info/