Kuvendi i Kosovës ka miratuar Ligjin për Byronë Shtetërore për verifikimin dhe konfiskimin e pasurisë së pajustifikueshme.

Ky ligj i iniciuar nga ministrja e Drejtësisë, Albulena Haxhiu, u votua në Kuvend me 66 vota për, asnjë kundër dhe asnjë abstenim.

E përmes një shkrimi në Facebook, Haxhiu ka falënderuar të gjithë deputetët e Kuvendit të Kosovës që e kanë miratuar në lexim të dytë Byronë Shtetërore për Verifikimin dhe Konfiskimin e Pasurisë së Pajustifikueshme.

“Falënderoj deputetët e Kuvendit të Republikës së Kosovës që e miratuan në lexim të dytë Byronë Shtetërore për Verifikimin dhe Konfiskimin e Pasurisë së Pajustifikueshme. Opinionet e Komisionit të Venecias janë garanci e ligjshmërisë dhe kushtetutshmërisë së Byrosë. Ndërkaq vet ky institucion është garanci e vendosjes së drejtësisë për luftimin e intensifikuar të korrupsionit zyrtar duke i konfiskuar të mirat e përfituara paligjshëm nga të gjithë keqpërdoruesit e fondeve dhe pasurisë publike”, ka shkruar ajo.

Ministrja ka falënderuar edhe të gjithë akterët e përfshirë në përgatitjen e këtij Projektligji që shënon përmbushjen e një zotimi shtyllë të Qeverisë Kurti. /arbresh.info/

lexo edhe:

https://www.arbresh.info/lajmet/miratohet-ligji-per-byrone-shteterore-per-verifikimin-dhe-konfiskimin-e-pasurise/