Tre anëtarë të Akademisë së Shkencave dhe Arteve të Kosovës (ASHAK), Jusuf Bajraktari, Hivzi Islami dhe Frashër Demaj, po ia kërkojnë dorëheqjen shefit të tyre, kryetarit të ASHAK-ut, Mehmet Kraja.

Përmes një letre, treshja e akademikëve thonë se keqpërdorimi i ueb-faqes nga Kraja nuk ka ndodhur vetëm një herë, duke iu referuar rastit të fundit me publikimin e dokumentit “Synimet Destabilizuese Të Serbisë Në Kosovë Dhe Në Ballkanin Perëndimor”, por ka ndodhur edhe më parë me disa përkujtime për miqtë e tij.

“Para skandaleve lidhur me dokumentin megaloman të Kryetarit të Akademisë, M. Kraja, i cili ka një kohë që po e keqpërdor edhe faqen zyrtare të saj. Së pari kjo ndodhi me disa “In Memoriame” për miqtë e tij jashtë Akademisë, të cilët pasi qëndruan gjatë, me ridizajnimin e faqes, u hoqën, por në arkiv ruhen! Pastaj vazhdon avazin me tekst-pamfletin e tij, të publikuar disa herë dhe në disa vende brenda 11 muajve, por në vëllim të ndryshëm dhe në versione të retushuara: hiq e fut tekste, njëherë në emër të Akademisë, herën tjetër në emrin e tij personal”, thuhet mes tjerash në këtë letër.

“Për manipulimet e sipërpërmendura, kërkojmë që Mehmet Kraja urgjentisht të japë dorëheqje nga pozita e Kryetarit të ASHAK-ut. Ky akt do të shërbejë si veprim i duhur akademik dhe institucional i ruajtjes së dinjitetit të Akademisë dhe anëtarëve të saj”, përfundon teksti i ASHAK-ut, të cilin të plotë e gjeni më poshtë: