Dokumentari “Harry dhe Meghan” ishte një moment i vështirë për familjen mbretërore. Megjithatë, Mbretëresha Elizabeth thoshte “kurrë mos u anko, kurrë mos u shpjego”, kështu që mbreti Charls dhe anëtarët e familjes së tij kanë heshtur.

Një anëtar i familjes, megjithatë, ka folur në mbështetje të Charles dhe anëtarëve të tjerë të familjes mbretërore, duke përfshirë Princin dhe Princeshën e Uellsit.

Aktorja Sophie Winkleman, e cila është e martuar me Lordin Frederick Windsor, foli për vështirësitë e fundit të përjetuara nga Charles dhe familja e tij në një intervistë të re me The Spectator.

“Më pëlqen marrëdhënia ime me anëtarët e vjetër të familjes mbretërore, të cilët janë kaq punëtorë dhe të guximshëm përballë vëmendjes së pamëshirshme dhe brutale të medias, kritikave, gënjeshtrave, minimit dhe mashtrimit televiziv” , tha ajo.

Kjo nuk është hera e parë që Sophie Winkleman flet për lidhjen e saj me familjen mbretërore. “Jam pritur krahëhapur nga të gjithë. Unë nuk kam pasur një përvojë të vetme negative. Mbretëresha ishte e mrekullueshme, Princi Charles ishte i mrekullueshëm, Princi William ishte parajsë”, tha ajo për Times.