Kryeministri i Shqipërisë, Edi Rama ka mbërritur mbrëmjen e kësaj të premteje në Pallatin Elysee.

Rama përmes një postimi në rrjetin social Facebook bëri të ditur se do të marrë pjesë në darkën zyrtare të shtruar nga presidenti i Francës, Emmanuel Macron

Kryeministri shqiptar shoqërohej nga bashkëshortja e tij, Linda Rama.

Kujtojmë se Rama ndodhet në Paris, në Forumin e Paqes me ftesë të Presidentit Emmanuel Macron.

Ai ka marrë pjesë në panelin “Universalizëm kur mundesh dhe multilaterizëm kur duhet”.

Kreu i qeverisë shprehu edhe një herë pakënaqësitë që Bashkimi Evropian e la vetëm Ballkanin perëndimor gjatë pandemisë.

Rama u ndal edhe tek raportet mes Kosovës dhe Serbisë duke u shprehur se rajoni ka nevojë për paqe dhe zgjidhje të problemeve të së shkuarës.

Ai vlerësoi rolin e Francës dhe përfshirjen e saj në zgjidhjen e problemeve në Ballkanin Perëndimor./arbresh.info/