Nuk ndalet rritja e çmimeve në Kosovë, shtrenjtohen vezët, sheqeri dhe çaji

13:29 | 9 Nëntor 2022
A Z

Rritja e çmimeve për produktet bazike s’ka të ndalur në Kosovë.

Sipas përditësimit më të fundit të çmimeve nga Agjencia e Statistikave të Kosovës të produkteve bazike, vërehet se lëvizje e çmimit këto ditë është shënuar edhe tek sheqeri dhe vezët.

Çmimi i sheqerit ka arritur në rreth 6 euro për 5 kilogramë dhe vezët mbi 4 euro, e po ashtu çaji ka arritur në 10 euro.

Ndryshe gjatë ditës së djeshme Kuvendi i Kosovës ka miratuar Projektligjin për vendosjen e çmimeve tavan në produktet bazike.

Produktet të cilat do kenë çmim tavan janë drithërat, mielli, gruri, buka, orizi, pastat, vaji ushqimor i lulediellit, qumështi, kripa e kuzhinës, vezët e pulës, mishi i pulës, sheqeri kristalor, produktet e higjienës personale, si dhe lëndët e drurit për djegie./arbresh.info/