Policia e Kosovës ka dhënë detaje për të shtënat me armë gjatë ditës së djeshme në Podujeve, ku për pasojë lëndime pësuan tre persona, njëri nga ta i plagosur që po vazhdon trajtimin në QKUK.

Policia njofton se e gjitha ka nisur nga një përleshje ku janë përfshirë dy familje dhe ku ka pasur edhe të shtëna me armë zjarri.

Pastaj, si pasojë e xhamave të thyer lëndime kanë pësuar edhe dy kalimtarë të rastit, të cilëve iu është ofruar tretman mjekësor e më pas janë liruar për në shtëpi.

Njësitë relevante policore kanë dal në vendin e ngjarjes dhe kanë arrestuar dy të dyshuar, ndërsa edhe dy të dyshuar tjerë janë në arrati.

Me vendim të prokurorit të dyshuarve iu caktohet masa e ndalimit. Njëri i dyshuar është dërguar në qendrën e mbajtjes, ndërsa tjetri vazhdon trajtimin në QKUK, nën sigurimin e policisë.

Rasti vazhdon të hetohet nga njësitet kompetente policore.

Njoftimi i plotë nga Policia e Kosovës:

VRASJE NË TENTATIVË NË BASHKËKRYERJE

Rr. Nuhi Gashi, Podujevë 25.10.2022 – 15:42. Raportohet se ka ndodhur një përleshje në mes të dy familjeve ku ka pasur edhe të shtëna me armë zjarri. Si pasoj e të shtënave me armë zjarri lëndime trupore ka pësuar i dyshuari mashkull kosovar i cili vazhdon trajtimin mjekësor në QKUK, pastaj si pasoj e xhamave të thyer lëndime kanë pësuar edhe dy kalimtarë të rastit, viktimat meshkuj kosovar të cilëve iu është ofruar tretman mjekësor e më pas janë liruar për në shtëpi. Njësitë relevante policore kanë dalur në vendin e ngjarjes, kanë arrestuar dy të dyshuar meshkuj kosovar, ndërsa edhe dy të dyshuar janë në arrati. Me vendim të prokurorit të dyshuarve iu caktohet masa e ndalimit, njëri i dyshuar është dërguar në qendrën e mbajtjes ndërsa tjetri vazhdon trajtimin në QKUK nën sigurimin e policisë. Rasti vazhdon të hetohet nga njësitet kompetente policore. /arbresh.info/

lexo edhe:

Gjuajtje me armë zjarri në Podujevë, dyshohet për të plagosur

Dy të plagosur nga gjuajtja me armë në Podujevë