Policia në bashkëpunim me Doganën, ATK-në dhe AUV-in, kanë kryer bastisje në një depo, pronë e të dyshuarit ku janë gjetur 469 kg mjaltë, 840 kg duhan, dhe 150 kg fasule pa dokumentacionin e nevojshëm.

Policia e Kosovës me anë të raportit të saj të përditshëm, ka njoftuar se malli është konfiskuar nga dogana

Pos kësaj, është njoftuar edhe se rasti ka ndodhur në Ferizaj, ndërsa i dyshuari është liruar në procedurë të rregullt.

“INCIDENTET KRIMINALE. TREGTI E NDALUAR. Ferizaj 07.10.2022 – 10:00. Policia në bashkëpunim me Doganën, ATK-në dhe AUV-in kanë kryer bastisje në një depo pronë e të dyshuarit kosovar ku janë gjetur 469 kg mjaltë, 840 kg duhan, dhe 150 kg fasule pa dokumentacionin e nevojshëm. Malli është konfiskuar nga dogana, ndërsa i dyshuari pas intervistimit me vendim të prokurorit është liruar në procedurë të rregullt”. /arbresh.info/