Google ADS

14 balena gjenden të ngordhura në një plazh në Australi

08:53 | 20 Shtator 2022
A. B.

14 balena gjenden të ngordhura në një plazh në Tasmania në Australi.

Trupat e balenave të ngordhura u zbuluan nga vendasit në King Island dhe u raportuan tek autoritetet të hënën pasdite, shkruan Sky News.

Arsyeja e ngordhjes nuk dihet, por biologët e kafshëve të egra dhe një veteriner janë dërguar për të hetuar rastin.

Ngordhja e balenave nuk është e pazakontë në Tasmani dhe ekspertet thonë se ishulli është “pika e nxehtë” për ngjarje të tilla.

Shkencëtarja e kafshëve të egra Vanessa Pirotta, tha se balenat e ngordhura ishin ndoshta pjesë e një “bachelor pod” një grup balenash meshkuj të mitur, që hasën në telashe.

“Balenat mund të kenë lundruar keq, të kenë ndjekur një udhëheqës të sëmurë ose të çorientuar, ose të jenë trembur në ujëra më të cekëta”, shtoi ajo. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm

sq sq