Një anëtar i rrethit të ngushtë të Viktor Orban ka dhënë dorëheqjen pasi kryeministri hungarez foli kundër shndërrimit në një “racë të përzier”.

Zsuzsa Hegedus, e cila e njeh nacionalistin Orban për 20 vjet, e përshkroi fjalimin si një “tekst të pastër nazist”, sipas mediave hungareze, transmeton portal arbresh.info

Komiteti Ndërkombëtar i Aushvicit i të mbijetuarve të Holokaustit e quajti fjalimin “të marrë dhe të rrezikshëm”.

Zëdhënësi i Orban tha se media i kishte keqinterpretuar komentet.

Fjalimi u mbajt të shtunën në një rajon të Rumanisë që ka një komunitet të madh hungarez.

Aty Orban tha se popujt europianë duhet të jenë të lirë të përzihen me njëri-tjetrin, por se përzierja me jo-europianët krijoi një “botë të racave të përziera”.

“Ne jemi të gatshëm të përzihemi me njëri-tjetrin, por nuk duam të bëhemi popuj të racës së përzier,” tha ai.

Orban është i njohur për pikëpamjet e tij kundër emigracionit.

Grupi më i madh hebre i Hungarisë gjithashtu dënoi fjalimin dhe bëri thirrje për një takim me Orban./arbresh.info/