Vendvotimet janë hapur në të gjithë Japoninë sot në mëngjes, për zgjedhjet në Dhomën e Lartë.

Votimi i së dielës pritet të zgjerojë Partinë Liberale Demokratike në pushtet, në të cilën bënte pjesë ish-kryeministri Shinzo Abe, së bashku me partnerët e saj të koalicionit.

Partia pritet të marrë një rritje të mbështetjes pas vrasjes së Shinzo Abe, i cili u qëllua gjatë fjalimit të tij në fushatë.

Kryeministri Fumio Kishida dhe politikanë të tjerë thanë se vrasja e Abes nuk do të ndalonte procesin demokratik të Japonisë.

Vetëm javën e kaluar, sondazhet treguan se Partina Liberale Demokratike do të fitonte pothuajse gjysmën e vendeve në dispozicion.

Votimi i së dielës pritet të forcojë pushtetin e Kishidas, duke e vënë atë në një pozitë më të mirë për tre vitet e ardhshme, raporton DW.

Megjithatë, ai përballet me rritje të çmimeve dhe mungesë të energjisë, pas një vale të nxehtë të hershme të verës që çoi në një krizë energjie.

Rezultatet e parashikuara nga zgjedhjet priten menjëherë pas mbylljes së qendrave të votimit në orën 20:00, me kohë lokale.

Teksa fushata u ndërpre pas vdekjes së Abes, aktivitetet zgjedhore rifilluan të shtunën.