Mjaft amerikanë u solidarizuan në mbledhje fondesh për të ndihmuar familjen e një vogëlushi, prindërit e të cilit u qëlluan për vdekje në paradën e 4 korrikut në Highland Park, ka tejkaluar 2 milion dollarë, pas një vërshimi dhurimesh pasi djali u gjet i vetëm si pasojë e masakrës.

Sipas Guardian, një foto e dy vjeçarit Aiden McCarthy u bë virale përpara se ai të ribashkohej me gjyshërit e tij. Më vonë u zbulua se prindërit e fëmijës ishin të dy të vdekur. Kevin McCarthy, 37 vjeç dhe Irina McCarthy, 35 vjeç, po ndiqnin paradën në periferi të Çikagos kur një person i armatosur i vrau ata dhe pesë persona të tjerë, si dhe plagosi dhjetëra të tjerë.

Gjyshi i Aiden, Michael Levberg tregoi se teksa Kevin u plagos nga plumbat dhe ra në tokë ai arriti të mbronte me trupin e tij djalin 2-vjeçar.

Stacioni televiziv lokal CBS Chicago raportoi se faqja GoFundMe u krijua për të mbledhur para për McCarthy dhe gjyshërit e tij, të cilët tani do ta rrisin atë.

“Në moshën 2-vjeçare Aiden është lënë në pozitën e paimagjinueshme; të rritet pa prindërit e tij”, thuhet në faqe.

Vogëlushi u mor nën kujdes përkohësisht nga njerëz të tjerë pasi u gjet i vetëm pas të shtënave vdekjeprurëse. Dana dhe Greg Ring, të cilët ndihmuan për t’u kujdesur për fëmijën, përshkruan se e gjetën atë në krahët e një të huaji, i cili dukej se ishte i trondur.

“Ajo po dridhej fizikisht, i gjithë trupi i saj. E mora djalin e vogël dhe e vendosa në krahë”, tha Dana Ring

Fëmija u ribashkua më vonë nga zyrtarët e zbatimit të ligjit me gjyshërit e tij në një spital./sotnews/