I hyri malit për të kontrabanduar duhan, por kjo nuk i ndihmoi që ti ikë Policisë së Kosovës, shkruan arbresh.info.

Në një komunikatë për medie, të lëshuar nga policia e Kosovës, thuhet se janë kapur 36 paketime me gjithsej 800 kg, duhan të pa përpunuar.

“Njësia policore e Task Forcës, Drejtoria Rajonale e Policisë Kufitare Lindje,  gjatë patrullimit, vëzhgimit dhe pritave të befasishme, ka arritur ta vërejë, ta përcjellë dhe ta ndalojë një kombi (furgon), i cili duke shfrytëzuar rrugët malore nga fshati Tanushë-Maqedoni e Veriut, duke kaluar përmes fshatit Mjak, ishte nisur në drejtim të Vitisë. Kështu, sot me datë 03.06.2022, rreth orës 10:00 edhe përkundër tentativës për të t’iu shmangur patrullës policore, automjeti është ndaluar në fshatin Ramjan të Vitisë”, thuhet në rasportik e policisë.

Më tutje ata tregojnë se automjeti i ndaluar, me targa vendore dhe i drejtuar nga: S.I., (viti i lindjes 1979, mashkull kosovar) ishte duke bërë transport të mallit që dyshohet të jetë i kontrabanduar.

Rasti është duke u trajtuar nga zyrtarë policorë dhe në koordinim me prokurorin kujdestar. Automjeti me mallin e ngarkuar do të dorëzohet në terminalin doganor tek Dogana e Kosovës./arbresh.info/