Departamenti Amerikan i Shtetit njoftoi nisjen e një programi të ri për mbledhjen dhe analizimin e provave të luftës dhe krimeve të tjera të kryera nga Rusia në Ukrainë.

Në një deklaratë të Departamentit të Shtetit thuhet se i ashtuquajturi Observatori i Konfliktit do të kombinojë dokumentacionin dhe provat e mbledhura nga burime jozyrtare për veprimet e Rusisë në Ukrainë, raporton Reuters, trasmeton portal arbresh.info

Me kërë rast, Presidenti amerikan, Joe Biden, ka drejtuar gishtin nga Rusia për shkak të atyre që ai i quan “krime të mëdha lufte” të kryera në Ukrainë.

Biden theksoi se Moska duhet të mbajë përgjegjësi për nisjen e konfliktit më të madh në Europë që pas Luftës së Dytë Botërore.

Departamenti i Shtetit njoftoi se raportet, analizat dhe provat mbi krimet e dyshuara ruse do të jenë të disponueshme në faqen e internetit të Observatorit për Konflikt./arbresh.info/