Zëvendëskryeministri i Malit të Zi dhe i mandatuari për krijimin e Qeverisë së 43-të malazeze, Dritan Abazoviq, është bërë anëtar i ri i Këshillit Evropian për Marrëdhënie me Jashtë (ECFR).

ECFR është një nga organizatat më të njohura që angazhohet në fushën e politikës së jashtme dhe të sigurisë evropiane.

Abazoviq u bë anëtar me ftesë të bashkëkryesuesve të ECFR-së, Karl Bildt, Like Fries dhe Norbert Rotgen.

Čast mi je što sam postao dio @ecfr??, Evropskog savjeta za spoljne odnose, tima koji okuplja veliki broj progresivnih evropskih političara i biznis lidera, akademika i aktivista u cilju promovisanja ideje ujedinjene i snažne Evrope. ✊ @carlbildt@lykkefriis@n_roettgen pic.twitter.com/UqcrNAZG4H

— Dr Dritan Abazovic (@DritanAbazovic) April 26, 2022

Është një nder i madh për mua të jem pjesë e një organizate të përbërë nga një numër i madh politikanësh, liderësh, biznesmenësh dhe aktivistësh të OJQ-ve progresive evropiane, të cilët promovojnë idenë e një Evrope të bashkuar, të pajtuar dhe të fortë”, shkroi ai në Twitter.

Ndryshe, anëtarët e Këshillit të ECFR janë: Kaja Kalas, Kryeministre e Estonisë, Jonas Gahr Store, Kryeministri i Norvegjisë, Annalena Berbock, Ministrja e Punëve të Jashtme të Republikës Federale të Gjermanisë, Ann Linde, Ministrja e Punëve të Jashtme të Suedisë, Ivan Korçok , Ministër i Punëve të Jashtme dhe Evropiane të Sllovakisë, Pekka Haavisto, Ministër i Punëve të Jashtme të Finlandës dhe shumë ish-kryeministra, ministra dhe liderë të tjerë evropianë. /Telegrafi/