Komisioni Evropian i siguron eurodeputetët se ka kujdes në atë që Rusia të mos i anashkalojë sanksionet përmes vendeve të treta.

Kjo sot është thënë nga ana e Komisionit Evropian gjatë debatit në komisionin për punë të jashtme të Parlamentit Evropian.

Komisioni Evropian, sipas analizave të tij, mendo se në vendet e BE-së dhe të G7 ekziston shkallë e lartë e harmonizimit dhe implementimit të sanksioneve të Perëndimit kundër Rusisë dhe se nga afër po monitorohen transaksionet financiare me vendet e treta, përmes të cilave Rusia ka mundur t’i anashkalojë sanksionet.

Gjatë debatit një numër i madh i eurodeputetëve u bënë thirrje Komisionit Evropian dhe Këshillit Evropian të vendosin sanksione kundër sektorit energjetik, veçanërisht në naftë. Studimet e institucioneve të BE-së tregojnë se sanksionet kundër sektorit të naftës fuqishëm do ta preknin Rusinë. Në rast të sanksioneve energjetike, Komisioni dhe Këshilli angazhohen se do t’i ndërmarrin masat e nevojshme që të ulet impakti negativ i vendeve anëtare të BE-së më të varura nga energjia ruse.