Kryeministri i Maqedonisë së Veriut, Dimitar Kovaçevski ka shkruar në Facebook lidhur me grevën e arsimtarëve dhe profesorëve, duke thënë se janë duke punuar çdo ditë për të gjetur dialog, njofton Telegrafi Maqedoni.

“Qeveria çdo ditë është duke u munduar për të gjetur zgjidhje për krizën në arsim. Edhe përballë krizës ekonomike botërore ne i kemi dhënë mbështetje të fuqishme ekonomike qytetarëve për tejkaluar këto sfida. Për momentin, nga SASHK ne kemi presion të pa parë dhe nga kjo ne kuptojmë se atyre ju interesojnë interesat personale e jo interesat grupore dhe mirëqenien e nxënësve” tha Kovaçevski.

Ai gjithashtu thotë se nga viti 2017 rrogat janë rritur për 21%. Ndërsa 10% i ofruar për rritje të pagave për SASHK nuk është i duhur dhe për këtë ne jemi të shqetësuar.