Ish-mesfushori i Napoli dhe Real Madrid në vitet ‘90, Fredi Rinkon, ka pësuar një aksident horror me makinë, teksa po udhëtonte me një fuoristradë me tre persona të tjerë në Kali të Kolumbisë, në orët e para të mëngjesit të ditës së hënë.

Në një kryqëzim mjeti ku udhëtonte ish-futbollisti 55-vjeçar u godit nga mbrapa nga një autobus i linjës.

Të plagosurit u dërguan menjëherë në një qendër shëndetësore dhe Rinkon i është nënshkruar një operacioni dhe është futur në sallën e kujdesit intensive, teksa mësohet se ka marrë goditje të rënda në kokë.

Rinkon në 3 Botërore në vitet ’90 dhe shënoi 17 gola në 84 paraqitjet e tij për kombëtaren e Kolumbisë.

Mediat vendase kanë zbuluar se aksidenti u shkaktua pasi Rinkon, kishte kaluar semoforin me të kuq.

Gjatë karrierës së tij ish-mesfushorit përveç Realit dhe Napolit, u aktivizua edhe me Korinthiansin, Palmeriasin dhe Santos në Brazil.

#ReporteEntérateCali Así fue el aparatoso accidente de tránsito en la calle 5ta con 34 en el que conducía el exfutbolista Freddy Rincón y se estrelló contra un bus del MIO. pic.twitter.com/udBFbwXtWj

— Entérate Cali (@EnterateCali) April 11, 2022