Presidenti ukrainas, Volodymyr Zelensky, tha se ka pasur një telefonatë me kancelarin gjerman Olaf Scholz, me të cilin diskutuan mundësinë e sanksioneve shtesë anti-ruse, mbrojtjes dhe mbështetjes financiare për Ukrainën.

Zelensky tha se diskutimi i tyre “theksoi se të gjithë autorët e krimeve të luftës duhet të identifikohen dhe dënohen”.

“Pata një bisedë telefonike me Olaf Scholz. Ne theksuam se të gjithë autorët e krimeve të luftës duhet të identifikohen dhe të dënohen. Ne diskutuam gjithashtu sanksionet anti-ruse, mbrojtjen dhe mbështetjen financiare për Ukrainën” shlroi Zelensky në Twitter.

Ndërkohë, zyra e Zelenskyt tha në një deklaratë se presidenti kishte mbajtur një konferencë me zyrtarët ukrainas gjatë së cilës ishin zhvilluar propozimet e Kievit për një paketë të gjashtë të sanksioneve të Bashkimit Evropian./arbresh.info/