Bashkimi Evropian ka premtuar një miliard euro për të mbështetur Ukrainën dhe vendet që pranojnë refugjatë që ikin nga lufta, ka konfirmuar Ursula von der Leyen.

“Gjashtëqind milionë prej tyre do të shkojnë në Ukrainë, tek autoritetet ukrainase dhe pjesërisht në Kombet e Bashkuara”, tha Von der Leyen në një ngjarje për mbledhjen e fondeve për Ukrainën në Varshavë.

“Dhe 400 milionë euro do të shkojnë për shtetet e vijës së parë që po bëjnë një punë kaq të jashtëzakonshme dhe po ndihmojnë refugjatët që po vijnë”, shtoi ajo.

Presidentja e Komisionit të BE-së sapo është kthyer nga Ukraina ku ka vizituar Buchan, ku janë kryer shumë krime.

Ndryshe, Kievin sot po e viziton edhe kryeministri britanik, Boris Johson dhe kancelari austriak, Karl Nehammer.

#BREAKING Global pledging event raises 10.1 bn euros for Ukraine: von der Leyen pic.twitter.com/WkdcQGIOT9

— AFP News Agency (@AFP) April 9, 2022