Maqedonia e Veriut bëri befasinë më të madhe në kualifikimet e Kupës së Botës duke e eliminuar kampionin në fuqi evropian, Italinë.

Italia u mposht nga Maqedonia e Veriut me rezultat minimal 0-1 në fazën e playoffit të kualifikimeve të Kupës së Botës, Katar 2022.

Portugalia është kundërshtari i rradhës i Maqedonisë së Veriut dhe fituesi do e garantojë një biletë për “Katar 2022”.

Para fillimit të këtij takimi, ylli portugez, Cristiano Ronaldo u shpreh i bindur që Portugalia nuk do të befasohet ashtu si Italia.

“Ishim të befasuar. Maqedonia e Veriut ka befasuar në shumë raste në këto ndeshje. Por, nuk mendoj se mund të na befasojnë nesër. Portugalia do të luajë më mirë dhe do të kualifikohemi në Kupën e Botës“, tha fillimisht Ronaldo.

“Nuk ka Kupë të Botës pa Portugalinë”, shtoi pesë herë lojtari më i mirë në botë“, përfundoi ylli i Manchester United.

Kujtojmë që ndeshja kualifikuese luhet nesër.