Disa mbetje mortore të një kufome e cila ishte e mbështjellë me rroba dhe batanije, janë gjetur gjatë ditës së shtunë në Prizren.

Sipas njoftimit të policisë, dyshohet se mbetjet mortore i takojnë periudhës së luftës së fundit në Kosovë.

Tërheqja e mbetjeve mortore është bërë nga njësia e krimeve te luftës.

Njoftimi i plotë i PK-së:

Rr. Shefqet Berisha, Prizren, 19.03.2021 – 09:45. Punëtorët e Eko Regjionit, gjatë gërmimit për të hapur një varr në varrezat myslimane në qytetin e Prizrenit, kanë hasur në mbetje mortore të një kufome e cila ishte e mbështjellë me rroba si dhe një batanije. Dyshohet se mbetjet mortore i takojnë periudhës së luftës së fundit në Kosovë. Në vendin e ngjarjes kanë dalë njësitë përkatëse policore si dhe për rastin është njoftuar prokurori i shtetit. Tërheqja e mbetjeve mortore është bërë nga njësia e krimeve te luftës./arbresh.info/