Të hënën drejtuesit e Federatës së Basketbollit të Kosovës (FBK) kanë pritur Jiri Welsch, ambasador i Junior NBA dhe ish-basketbollist i NBA-së, si dhe Adrian Carrion, përgjegjës i Jr NBA për Kosovë.

Kryetari i FBK-së, Arben Fetahu, së bashku me Sekretaren e Përgjithshme të FBK-së, Elvira Dushku dhe Drejtori Teknik, Arben Krasniqi kanë mirëpritur Welsch dhe Carrion, ndërsa kanë biseduar për fillimin e një projekti shumë të rëndësishëm për basketbollin e Kosovës, fillimin e Junior NBA Kosova, përcjell arbresh.info.

Welsch dhe Carrion kanë falënderuar drejtuesit e FBK-së për mikpritje dhe bashkëpunimin e ngushtë, që do të finalizohet me Junior NBA Kosova.

Welsch sonte do të ketë një stërvitje me djem dhe vajza të Kosovës, duke ju treguar përvojën e tij të larmishme, ku ka qenë basketbollist në NBA dhe në shumë liga evropiane.

Ndërkohë, të martën nga ora 11:00 do të hidhet shorti për Junior NBA Kosova, ku 30 shkolla, do të ndahen në Lindje dhe Perëndim. Më pas tetë më mirat e Konferencës kualifikohen në “Play-off” dhe më pas zhvillohet faza finale me “Final Four”.

Junior NBA Kosova është një projekt shumë i rëndësishëm për basketbollin e Kosovës.