Gjatë ditës së djeshme në shtëpinë e famshme të “Big Brother VIP Albania”, banorëve iu dha një mundësi për të zgjedhur një këngë për personin e zemrës, duke e festuar kështu ditën e Shën Valentinit dhe 24 vjetorin e radios së “Top Albania”.

Aktori, Donald Veshaj të dashurës së tij, Beatrxiës i dedikoj këngën e Sam Smith, “Fire on fire”, teksa i bëri thirrje Romeos dhe ndjekësve për t’i dërguar këngëtares kosovare një buqetë të madhe me lule.

“O Romeo shko në një dyqan dhe dërgoi Trixës një tufë me lule të madhe. Ose kush dyqan lulesh që po e dëgjon t’i cojë një buqetë me lule Trixës nga ana ime.”, u shpreh ai.

Këto fjalë të tij u dëgjuan jo vetëm nga vëllai i tij binjak, por edhe nga ndjekësit. Romeo ka postuar një fotografi të një buqete me lule në rrjetin social “Instagram” duke shkruar:

“Bac u kry!“, duke bërë ‘tag’ Beatrix-in dhe Donaldin.

Ndërsa, Beatrix ka reaguar mbrëmë për herë të parë pas gjithë situatës së krijuar. Ajo ka postuar një foto nga dhuratat dhe lulet që ia kanë dërguar në shtëpi duke shkruar: “Ju dua!”.