Parlamenti sllovak miratoi sot një marrëveshje të mbrojtjes ushtarake me Shtetet e Bashkuara.

Marrëveshja për bashkëpunim në fushën e mbrojtjes u miratua me 79 vota pro dhe 60 kundër në parlamentin prej 150 deputetësh.

Marrëveshja thuhet se i lejon ushtrisë amerikane të përdorë dy baza ajrore sllovake për 10 vjet, ndërsa Sllovakia, një anëtare e NATO-s, do të marrë 100 milionë dollarë për modernizimin e ushtrisë, raporton abcnews.

Marrëveshja u nënshkrua nga sekretari amerikan i shtetit, Anthony Blinken dhe ministri sllovak i mbrojtjes, Jaroslav Nagy në Uashington më 3 shkurt dhe mbetet për t’u ratifikuar nga presidentja Zuzana Chaputova.

Qeveria e kryeministrit Eduard Heger mbështeti nënshkrimin e marrëveshjes, e cila sipas tij do të “përmirësonte ndjeshëm sigurinë tonë”.

Opozita e kundërshton këtë marrëveshje dhe pretendon se ajo mund të rrezikojë sovranitetin e vendit, si dhe të mundësojë praninë e përhershme të trupave amerikane në territorin e Sllovakisë.

Mijëra qytetarë u mblodhën para ndërtesës së parlamentit ndërsa ligjvënësit debatonin për marrëveshjen. Nga ana tjetër, qeveria sllovake dhe ajo amerikane i hodhën poshtë këto akuza. /Telegrafi