Policia e Kosovës u ka bërë thirrje të gjithë drejtueseve të automjeteve të kenë kujdes në trafik.

Sipas komunikatës reshjet e borës mund të paraqesin vështirësi në qarkullim, andaj u ka bërë thirrje drejtueseve të automjeteve të vozisin në përshtatje të rrethanave të krijuara.

“Reshjet e vazhdueshme të borës nëpër rrugët e vendit, potencialisht mund të paraqesin vështërsi në qarkullim duke zvogëluar dukshmërinë apo duke krijuar rrethana të pafavorshme për drejtuesit e automjeteve. Policia e Kosovës kërkon dhe apelon që të gjithë pjesëmarrësit në trafik, në veçanti drejtuesit e automjeteve të jenë më vigjilent dhe vozitjen ta përshtatin me rrethanat e krijuara nëpër rrugët tona në menyrë që pjesëmarrja në trafik të jetë e sigurt për të gjithë dhe të shmangen aksidentet rrugore”, thuhet në komunikatën e PK-së./arbresh.info/