Ed Sheeran është shpallur artisti më i dëgjuar në radio, duke mposhtur kështu këngëtaren shqiptare me famë botërore, Dua Lipën, teksa rrëmbeu vendin e parë në botë.

Krijuesi i hitit “Shape of You”, 30-vjeçar, krenohet për të arriturat, gjegjësisht 4.3 milionë dëgjime në vit në të gjithë globin, ndërkohë që ylli i “Levitating”, 26-vjeçe, merr vetëm 100 mijë më pak, 4.2 milionë, shkruan Daily Mail transmeton arbresh.info

Vendi i tretë i ka takuar artistit The Weeknd me tre milionë dëgjime, me Queen që ka zënë vendin e katërt me 2.9 milionë dhe Maroon 5 në vendin e pestë me 2.5 milionë, sipas Viberate.

Kompania e analizës muzikore gjithashtu raportoi se muzika ‘rock’ ka pasur një ringjallje, duke u renditur si zhanri i dytë më i madh me 79.9 milionë dëgjime.

Ed u konfirmua së fundmi si interpretues në “Brit Awards 2022”, që pritet të mbahet më 8 shkurt.

Ceremonia vjetore e çmimeve muzikore rikthehet në The O2 Arena të Londrës. / arbresh.info/