Një tërmet tronditi një zonë me popullsi të pakët në Kinën perëndimore, thanë autoritetet.

Nuk pati raportime për të lënduar.

Tërmeti me magnitudë 6.9 goditi në orën 1:45 të mëngjesit në qarkun Autonome Hui Menyuan në provincën Qinghai në një thellësi prej 10 km. Epiqendra ishte rreth 140 km në veriperëndim të kryeqytetit të provincës, Xining, në një zonë malore që është 3,659 metra mbi nivelin e detit.

Fotot nga shërbimi shtetëror i lajmeve China News treguan dëme në disa prej shtëpive, duke përfshirë dritare të thyera.

Ekipet e shpëtimit dhe zjarrfikësve në Qinghai dhe provincën fqinje Gansu kanë dërguar rreth 500 shpëtimtarë, njoftoi Ministria Kineze e Menaxhimit të Emergjencave në një deklaratë në internet. 2260 shpëtimtarë të tjerë nga provincat fqinje ishin në gatishmëri.

Ministria dhe Administrata Kineze e Tërmeteve dërguan një ekip në Qinghai për të ndihmuar në hetimin e situatës dhe rialokimin e banorëve të prekur. /Telegrafi/