Prokurori i Përgjithshëm i Nju Jorkut ka bërë thirrje për marrjen në pyetje të dy fëmijëve të ish-presidentit amerikan Donald Trump, Donald Trump Jr. dhe Ivanka Trump, si pjesë e një hetimi civil për mashtrimin në lidhje me biznesin e Trump, raportoi New York Times.

Thirrjet e lëshuara nga zyra e Prokurores së Përgjithshme Letitia James iu dorëzuan atyre më 1 dhjetor, së bashku me një fletëthirrje nga vetë Trump, tha gazeta, duke cituar një person të njohur me rastin, transmeton portal arbresh.info

Ish-presidenti republikan ka paditur Letitia James, demokrate, duke e akuzuar atë për “persekutim politik” dhe “gjueti shtrigash”.

Zyra e James dëshiron të marrë në pyetje Trump si pjesë e një hetimi për të përcaktuar nëse kompania e Trump, Organizata Trump, ka manipuluar vlerat e vlerësuara të pasurive të saj të paluajtshme.

Hetimi i saj është i lidhur me hetimin penal të një Prokurori të Qarkut të Manhattan-it për praktikat e biznesit të Trump, duke përfshirë pretendimet se ajo e ka ekzagjeruar vlerën e disa prej pasurive të saj të paluajtshme për të marrë kredi dhe lehtësime tatimore. James iu bashkua hetimit në maj. Të dy hetimet janë të ndara./arbresh.info/