E kam lexu diku deklaratën e zotëri Haradinajt dhe më ka befasu, kështu filloi përgjigjen e tij, lideri i PDK-së, kur u pyet për deklaratën e kryetarit të AAK-së se Krasniqi nuk ka guxim të ballafaqohet me Kurtin.

Siç tha Krasniqi në një intervistë për arbreah.info, është Haradinaj ai që nuk ka pasur guxim të qeverisë dhe e ka lënë mandatin në gjysmë.

“Shikoni para se me pas guxim për me bë opozitë duhet me pas guxim me qeverisë e zotëri Haradinaj nuk ka pasur guxim të qeverisë. Po mendoj, se ka dhënë dorëheqje në gjysmë të mandatit, sepse nuk ka mundur të mbajë barrën e qeverisjes”, i është kundër përgjigjur Krasniqi.

Ai ka thënë se opozitën ka vendosur ta bëj në mënyrë të qetë dhe duke argumentuar mos punën e pushtetit, duke thënë se: Nuk është e domosdoshme me ngrit zërin e me kritiku.

“Modeli i opozitarizmit për kohë të gjatë ka qenë modeli më i gabuar i mundshëm. Modeli i Vetëvendosjes si opozitë që ka qenë skajshmërisht agresiv, i dëmshëm, refuzues, nihilist dhe e ka dëmtuar skenën politike dhe politikbërjen në përgjithësi”, ka bërë krahasimin ai.