Milani ka pësuar humbje me rezultat 4-3 kundër Fiorentinës në kuadër të xhiros së 13-të në Serie A.

Të parët që kaluan në epërsi ishin vendasit në minutën e 15-të përmes Alfred Duncan.

Fiorentina shënoi edhe një gol në kohën shtesë të pjesës së parë përmes Riccardo Samponara për rezultatin 2-0, për të shkuar kështu në pushimin e pjesës së parë me këtë rezultat.

Në pjesën e dytë u shënuan edhe plotë 4 gola tjerë.

Vendasit shënuan edhe një gol në minutën e 60-të përmes Dusan Vlahovic për rezultatin 3-0.

“Rossonerët” arritën të shënojnë dy gola të shpejtë përmes Ibrahimovic në minutën e 62-të dhe 67-të për të ngushtuar epërsinë në 3-2.

Por, Dusan Vlahovic shënoi sërish në minutën e 85-të për rezultatin 4-2.

Derisa u akorduan gjashtë minuta kohë shtesë, Milani gjeti edhe një gol në këto minuta për të ngushtuar epërsinë në 4-3, ku Lorenzo Ventui shënoi në portën e tij.

Pas kësaj fitore, Fiorentina tani renditet në vendin e 6-të me 21 pikë, ndërsa Milani mbetet në të dytin me 32 pikë./Arbresh.info