Kreu i Misionit të vëzhguesve të BE-së për zgjedhjet lokale, Lukas Mandl në një konferencë për media ka paraqitur gjetjet e tyre sa i përket zgjedhjeve lokale 2021.

Mandl bën të ditur se zgjedhjet dhe procesi zgjedhor është vlerësuar si i mirë, ose si shumë i mirë me 99.2 për qind, transmeton arbresh.info

“Vëzhguesit e BE vlerësuan votimin dhe numërimin në mënyrë pozitive, votimi u vlerësua si shumë i mirë ose i mirë në 99.2 për qind dhe numërimi u vlerësua si i mirë ose shumë i mirë”, tha Mandl.

Mirëpo ceki se në një të tretën e vendvotimeve të vëzhguara ka pasur disa vështirësi në përputhshmërinë e fletëvotimeve.

“Më lejoni të ju paraqes gjetjet tona. Ditën e zgjedhjeve vëzhguesit e BE-së vizituan 269 vendvotime në tërë Kosovën në të 21 komunat ku u mbajt raundi i dytë. Vëzhguesit e BE vlerësuan votimin dhe numërimin në mënyrë pozitive, votimi u vlerësua si shumë i mirë ose i mirë në 99.2 për qind dhe numërimi u vlerësua si i mirë ose shumë i mirë, edhe pse ka pasur ca vështirësi në përputhshmërinë e fletëvotimeve në një të tretën e vendvotimeve të vëzhguara”, tha Mandl./arbresh.info/