Kosova përmbyll sot kampanjën kualifikuese për Kampionatin Botëror “Katari 2022” me ndeshjen e fundit të Grupit B kundër Greqisë.

“Dardanët” e përmbyllin këtë fazë kualifikuese me një seri të dobët, pasi nisën këtë kampanjën me dy humbje rrjesht.

Fillimisht humbën kundër Suedisë në “Fadil Vokrri”, pastaj humbje pësuam edhe kundër Spanjës në udhëtim.

Pas dy ndeshjesh të vështira për shkak të kundërshtarëve cilësor, erdhi edhe fitorja kundër Gjeorgjisë, për të barazuar pastaj në Prishtinë kundër Greqisë.

Me këto dy ndeshje, mbaroj edhe faza e rezultateve pozitive për Përfaqësuesen e Kosovës.

Ndaj Spanjës humbën në “Fadil Vokrri”, pastaj edhe nga Suedia dhe Gjeorgjia.

Tani, derisa renditemi në vendin e fundit në grup me katër pikë të grumbulluara, udhëtojmë drejt Athinës për t’u përballur me Greqinë në një ndeshje që do të jetë vetëm formale pasi nuk do të sjellë ndonjë ndryshim./Arbresh.info