Ndeshja mes Gjilanit dhe Prishtinës do të jetë derbi i radhës në kuadër të xhiros së 13-të në Superligën e Kosovës.

Do të kërkoj të vazhdoj serinë pozitive pasi në pesë ndeshjet e fundit numëron tri fitore dhe dy barazime, duke u pozicionuar në vendin e tretë në tabelë dhe me një fitore eventuale do të barazohej me pikë me Ballkanin e cila gjendet në vendin e parë.

Nga ana tjetër Prishtina kërkon fitoren e dytë radhazi pas asaj të javës së kaluar kundër Drenicës.

Bardhekaltrit gjenden në vendin e shtatë në tabelë me 16 pikë të grumbulluara dhe me një fitore eventuale do të ngritej në vendin e pestë.

Tashmë janë bërë publike edhe formacionet zyrtare për këtë ndeshje.

Gjilani: Enea Koliqi, Tomislav Sorsa, Muhamed Useini, Armend Halili, Yll Hoxha, Albert Dabiqaj, Besar Musolli, Agustin Torassa, Fiton Hajdari, Gerhard Progni dhe Blerim Krasniqi.

Prishtina: Betim Halimi, Besnik Krasniqi, Leotrim Bekteshi, Sodiq Atanda, Gledi Mici, Lorik Boshnjaku, Erando Karabeci, Endrit Krasniqi, Mendurim Hoti, Leutrim Kryeziu dhe Oto John.

Ndeshja do të zhvillohet në Stadiumin e Qytetit në Gjilan me fillim nga ora 13:30./Arbresh.info