Është kapur trafikanti më i kërkuar i drogës në Kolumbi dhe kreu i bandës më të madhe kriminale në vend.

Dairo Antonio Úsuga, i njohur më mirë si Otoniel, u kap pas një operacioni të përbashkët nga ushtria, forcat ajrore dhe policia të shtunën, shkruan BBC, transmeton portal arbresh.info

Qeveria kolumbiane kishte ofruar një shpërblim prej 800 mijë dollarësh për informacion rreth vendndodhjes së tij, ndërsa SHBA vendosi një shpërblim prej 5 milionë dollarësh për kokën e tij.

“Kjo është goditja më e madhe ndaj trafikut të drogës në vendin tonë këtë shekull”, tha Presidenti kolumbian, Ivan Duque, duke e cilësuar kapjen e tij të njejtë me atë të Pablo Escobar.

Otoniel u kap në strehën e tij rurale në provincën Antioquia në Kolumbinë veri-perëndimore, afër kufirit me Panamanë. Ndërsa detajet e operacionit ende po dalin, presidenti tha se një oficer policie ishte vrarë.

Otoniel tani përballet me një numër akuzash përfshirë dërgimin e dërgesave të kokainës në SHBA, vrasjen e policëve dhe rekrutimin e fëmijëve.

Ai u padit në SHBA në 2009 dhe përballet me procedura ekstradimi të cilat mund ta shohin atë përfundimisht të paraqitet në gjykatë në Nju Jork./arbresh.info/