Nesër  procesi i votimit do të zhvillohet edhe në institucionet korrektuese të Republikës së Kosovës, ku të drejtë vote kanë të gjithë ata të cilët  janë shtetas të Republikës së Kosovës, e të cilët posedojnë dokumente valide, shkruan arbresh.info.

Zëdhënësi i Shërbimit Korrektues të Kosovës, Florent Gashi, për arbresh.info tha se procesi i votimit do të zhvillohet nëpër të gjitha institucionet korrektuese.

“Në koordinim të SHKK-së dhe KQZ-së, procesi i votimit do të zhvillohet nëpër të gjitha institucionet korrektuese, SHKK do të kujdeset për krijim e hapësirave dhe mbarëvajtjen e procesit, ndërsa listat e votuesve dhe materialet zgjedhore do të sigurohen nga KQZ”, tha Gashi.

Aktualisht në institucionet korrektuese janë 1637 persona të burgosur, ndërsa të drejtë vote kanë të gjithë ata persona të cilët janë shtetas të Republikës së Kosovës, e të cilët posedojnë dokumente valide.

Nga ky numër i të burgosurve përjashtohen të miturit nën moshën 18 vjeçare dhe shtetasit e huaj./arbresh.info/