Në kazermat e FSK-së, flamujt lëshohen në gjysmë shtizë në nder të viktimave të 11 shtatorit

16:45 | 11 Shtator 2021
A Z

Ministri i Mbrojtjes, Armend Mehaj, ka bërë të ditur se këtë të shtune në të gjitha kazermat e Forcës dhe Sigurisë së Kosovës, në shenjë nderimi dhe përkujtimi të viktimave në sulmin terrorist të 11 shtatorit, të gjithë flamujt janë lëshuar në gjysmë shtizë.

Postimi i plotë i tij:

Sot, të gjitha kazermat e FSK-së, në orën 14:45 minuta, në shenjë nderimi dhe përkujtimi të viktimave dhe heronjve të SHBA-së, që 20 vite më parë, u flijuan në përballje me sulmin terrorist, , të gjithë flamujt janë lëshuar në gjysmë shtizë.
Në këtë ditë përkujtimi, bashkëndjejmë me dhembje të madhe, bashkë me të gjitha familjet që humbën më të dashurit e tyre dhe gjithë kombin amerikan.
Lavdi e përjetshme dhe kujtim për ta qoftë i freskët gjithmonë!
Zoti e bekoftë SHBA-në dhe miqësinë tonë të përjetshme!