Imazhet satelitore të publikuar këtë të hënë tregojnë gjendjen kaotike në Aeroportin Ndërkombëtar “Hamid Karzai” të Kabulit teksa shumë njerëz të dëshpëruar u përpoqën që të ikin nga Afganistani.

Zyrtarë të lartë ushtarakë amerikanë than se kaosi i shkaktuar në aeroport la të vdekur shatë persona, përfshirë këtu disa që ranë nga një avion ushtarak amerikan që po largohej nga aeroporti.

Pamjet e kapura nga sateliti tregojnë skenën kaotike që po zhvillohej në aeroport derisa mijëra njerëz u mblodhën në pistë për tu larguar.

Kurse, një aeroplan turk shihet në imazhet satelitore duke u përgatitur që të ngrihet nga pista, ndërsa forcat e sigurisë shihen pranë një prej pistave kryesore të aeroportit që përpiqen të parandalojnë turmat e njerëzve të lëvizin drejt avionëve të tjerë dhe të bllokojnë operacionet e fluturimit.

Por, pamje kaotike kishte edhe në rrugët e Kabulit, ku qindra makina shihen të jenë bllokuar në udhëkryqet e qytetit.

New high-res #satellite imagery (10:36 am local time, August 16) of the chaotic scene underway at #Kabul’s Hamid Karzai International Airport in #Afghanistan as thousands of people converged on the tarmac & airport runways as countries attempt to evacuate personnel from the city. pic.twitter.com/L6lhlVms54

— Maxar Technologies (@Maxar) August 16, 2021