Tërnava për fitoren e Distria Kransiqit: Urime Kosovë, jemi të Artë që ditën e parë

16:40 | 24 Korrik 2021
Arditë Shkodra

Myftiu i Kosovës, Naim Tërnava përmes një postimi në faqen zyrtare të Bashkësisë Islame të Kosovës (BIK), në Facebook ka përshëndetur fitoren e xhudistës kosovare, Distria Krasniqi.

“Distria, sot na bëri krenarë me rangimin në vendin e parë, duke ngritur lartë para tërë botës flamurin tonë, dhe duke prezantuar në formën më të mirë rezultatet e sportistëve të Kosovës”, ka thënë Tërnava, transmeton arbresh.info

Tutje Tërnava ka thënë se sportistët tanë ka kohë që janë kthyer në ambasadorët më dinjitoz në arenën ndërkombëtare.

“Sportistët tanë, duke na përfaqësuar me krenari e dinjitet, ka kohë që janë kthyer në ambasadorët më dinjitoz në arenën ndërkombëtare”, thuhet tutje në postim

Postimi i plotë:

Sot, në Tokio të Japonisë, ku po mbahen Lojërat Olimpike, xhudistja jonë, Distria Krasniqi shkëlqeu që ditën e parë, duke fituar me plot meritë medaljen e artë në Olimpiadën “Tokio 2020”, e dyta kjo për Kosovën.

Distria, sot na bëri krenarë me rangimin në vendin e parë, duke ngritur lartë para tërë botës flamurin tonë, dhe duke prezantuar në formën më të mirë rezultatet e sportistëve të Kosovës. Sportistët tanë, duke na përfaqësuar me krenari e dinjitet, ka kohë që janë kthyer në ambasadorët më dinjitoz në arenën ndërkombëtare.

Urimet më të sinqerta Distria, përzgjedhësit Kuka, popullit të Kosovës dhe gjithë shqiptarëve kudo që janë. Presim shkëlqimin edhe të sportistëve të tjerë në olimpiadë gjatë ditëve në vijim.

Urime Kosovë, jemi të Artë që ditë e parë, Zoti i ndihmoftë djemtë e vajzat tona!

Myftiu i Kosovës,

Naim ef. Tërnava