Sot kryetari i Aleancës për Ardhmërinë e Kosovës, Ramush Haradinaj në seancën plenare të Kuvendit të Kosovës tha se Qeveria duhet të krijojë Komisionin Shtetëror për shënimin e kufijve.

“Qeveria duhet t’a krijojë Komisionin Shtetëror për shënimin e kufirit sepse nuk është ekzistues është  veprimi I parë që duhet me bo, dhe ju premtoj që si Aleance ju përkrahim. Arsyeja pse po e bëj këtë është sepse nuk është demarkua, ende s’janë qit gurtë”

Ai shtoi se Kosova duhet të formojë trupën e saj dhe të bashkëpunojë më Malin e zi, e në rast se nuk pranon pala e Malit te zi atëherë duhet të shkojmë në arbitrazh.

“Ngritja e një trupe të përbashkët me Malin e zi,  trupa Kosovës duhet te ia paraqes Malit të zi te gjeturat e veta, Marrëveshja, e dyta është raporti I komisionit shtetëror me të gjeturat e tyre, dhe e treta është deklarata e dy presidentëve për korrigjim në dy drejtime, atë të Qakorrit dhe Kullës, nëse ata nuk pajtohen me këtë, çështja duhet të shkojë në arbitrazh.”/arbresh.info/