Kryeministri i Kosovës ka folur për akuza për punësime familje në Qeverinë e tij.
Ai ka thënë se ata nuk kanë bërë punësime familjare por emërime politike. Kryeministri ka thënë se punësimet familjare, grupore a partiake nuk janë vlera të qeverisjes së mirë dhe sipas tij këto kjo qeveri nuk i ka.

“Vendimmarrjes përmes mbiemrave të farefisit apo punësimit familjar, grupor a partiak nuk janë vlera të qeverisjes së mirë dhe këto nuk i kemi”, ka thënë më tej ai duke shtuar se “ne kemi bërë emërime politike, jo punësime familjare”, tha Kurti, kur është pyetur nga deputeti i PDK-së, Fadil Nura, cili ka përmendur disa nga të emrat që janë punësuar e që janë të afërt me ministra apo zyrtarë të qeverisë.

Kurti ka thënë se ministrat kanë të drejtë të vendosin për këshilltarët politik.

“Me këtë rast, ministrat i zgjedhin këshilltarët politikë që s’janë shërbyes civilë. Janë ose nga shoqëria civile ose nga komunitetet profesionale të Lëvizjes…. As shkelje të ligjit e as konflikt interesi s’ka në asnjërin rast”, ka thënë ai./arbresh.info/