Në qytetin e Gjilanit për herë të parë pas disa muajsh nuk është regjistruar asnjë rast i ri me coronavirus.

Kështu ka njoftuar, kryetari i kësaj komuna Lutfi Haziri i cili i është gëzuar këtij lajmi të mirë, shkruan portali arbresh.info

Postimi i tij i plotë:

Lajm i mirë. Pas disa muajsh, në Gjilan për herë të parë nuk është regjistruar asnjë rast i ri me #COVID19 nga të testuarit sot. Por, aktualisht janë 40 raste aktive. COVID19 është në mesin tonë dhe deri në vaksinim duhet të vazhdojmë me disiplinë, sipas rekomandimeve të IKSHPK. #Kujdesu për vetën dhe familjen tuaj!
Pasqyra e përgjithshme në Gjilan që prej fillimit të pandemisë është si vijon: nga 21152 mostra, 6401 kanë rezultuar pozitivë, 6215 janë shëruar, 144 qytetarë e kanë humbur betejën me virusin, 40 raste janë aktive, të hospitalizuar me COVID janë 16 persona, dhe 86 mostra në pritje për rezultat. /arbresh.info/