Kryetari i Prizrenit, Mytaher Haskuka, ka bërë të ditur se ka rezultuar pozitiv me Covid-19.

Ai në facebook, ka shkruar se në testin e parë pata rezultuar negativ, mirëpo duke i ditur simptomat,ka hyrë në vetëizolim, shkruan Arbresh.info.

Postimi:

Të dashur qytetarë,

Nga fundjava e kaluar kam pasur disa simptoma të COVIDIT-19, si temperaturë, dhembje trupi dhe të nyjeve, kollitje dhe ethe.

Në testin e parë pata rezultuar negativ, sidoqoftë duke i ditur simptomat, mbeta në vetëizolim dhe sot pasi që e përsërita testin rezultova pozitiv me COVID-19. Për këtë arsye, në ditët në vijim do të qëndroj në vetizolim.

Me këtë rast ju apeloj, që të keni kujdes dhe t’i respektoni masat kundër pandemisë, të mbroni veten dhe familjet tuaja.

Mbeçi me shëndet dhe gjithë të mirat!