69 pacientë janë duke u trajtuar aktualisht në Spitalin e Përgjithshëm në Pejë me Covid-19. Sa i përket gjendjes së pacientëve ky spital njofton se 2 Pacientë janë në respirator(CPAP), 47 pacientë janë në oksigjeno terapi ndërsa nga këta 11 pacientë janë në gjendje më të rëndë, ndërsa 6 pacientë është shëruar nga Covid-19 gjatë 24 orëve të fundit.

Përndryshe gjatë ditës së djeshme në Spitalin e Përgjithshëm në Pejë, 217 pacientë kanë marrë trajtim emergjent shëndetësorë, dhe nga këta 27 pacientë janë shtrirë për trajtim të mëtutjeshëm.

4 lindje kanë qenë gjatë dje në Spitalin e Përgjithshëm në Pejë, 2 normale dhe 2 me prerje cezariane. Kanë lindur 4 foshnje, 2 të gjinisë mashkullore dhe 2 të gjinisë femërore.

354 pacientë kanë kryer analiza, që në total kanë bërë 5,248 analiza, ndërsa janë kryer 3 operacione.