Ministri i jashtëm turk, Mevlut Cavusoglu tha të enjten se BE-ja dhe Turqia po përpiqen për të krijuar një atmosferë pozitive mes tensioneve të fundit me disa anëtarë të Bllokut.

“Me disa hapa të ndërsjella të ndërmarra kohët e fundit, ne po përpiqemi të krijojmë një atmosferë më pozitive”, tha ai.

Marrëdhëniet midis Turqisë dhe vendit anëtar të BE-së, Greqisë, janë në kundërshtim për shkak të disa çështjeve në lidhje me Mesdheun Lindor.

Turqia, e cila ka vijën më të gjatë bregdetare kontinentale në Mesdheun Lindor, ka hedhur poshtë pretendimet kufitare detare të Greqisë, që, sipas saj, shkelin të drejtat sovrane të Turqisë.

Ankaraja ka dërguar disa anije në muajt e fundit për të hulumtuar për burime energjie në Mesdheun Lindor, duke pohuar të drejtat e veta në rajon.

Udhëheqësit turq kanë theksuar vazhdimisht se Ankaraja është në favor të zgjidhjes së të gjitha problemeve të pazgjidhura në rajon përmes ligjit ndërkombëtar, marrëdhënieve të fqinjësisë së mirë, dialogut dhe negociatave./ATSh/