Avokati Arianit Koci iu është përgjigjur kritikave të avokatit Besnik Berisha lidhur me atë se a ka të drejtë kreu i LVV-së, Albin Kurti të garojë në zgjedhje.

“Deklaratë kolegiale e përfaqësuesit juridik të qeverisë së rrëzuar”, ka shkruar Koci në Facebook, teksa ka shërndarë lajmin ku e kritikon Berisha.

Besnik Berisha, është i bindur se Arianit Koci ka gabuar në qëndrimin e tij se Kurti mund të garojë në zgjedhje.

Berisha në emisionin DPT te Fidani në T7, ka thënë se Koci nuk e njeh këtë fushë mbi të cilën ka dhënë qëndrimin e tij.

Ai me ironi ka thënë se “Arianiti s’din o burrë, nuk e di çfarë student u kanë. Nuk e di a e ka pasë 6 apo 7 për këtë fushën që po e komneton”, ka thënë Berisha teksa ka komentuar analizën e Kocit, rreth asaj nëse i lejohet Kurtit të kandidojë në listën e VV-së pas vendimit të Gjykatës Kushtetuese.